ქართველი ინოვატორების საყურადღებოდ: წარმოადგინეთ თქვენი იდეა Falling Walls Lab Tbilisi - ის კონკურსზე, დაარწმუნეთ ჟიური და მოიპოვეთ ბერლინის ფინალურ ეტაპზე მონაწილეობის უფლება.

The Falling Walls Lab არის ყოველწლიური საერთაშორისო ფორუმი, რომლის მიზანია ხელი შეუწყოს კავშირების დამყარებას სხვადასხვა დარგის წარმომადგენელ მეცნიერებს, მეწარმეებს და პროფესიონალებს შორის.

ფორუმში მონაწილეებს საშუალება ეძლევათ საკუთარი სამეცნიერო კვლევის მიღწევები, ინოვაციური ბიზნეს იდეები ან სხვა ტიპის ინიციატივები წარადგინონ მრავალათასიანი აუდიტორიის წინაშე, რომელსაც ევროპის წამყვანი კვლევითი ცენტრების წარმომადგენლებისგან და წარმატებული ბიზნესმენებისგან დაკომპლექტებული ჟიური შეაფასებს.

Falling Walls Lab Tbilisi გაიმართება 30 სექტემბერს ტექნოპარკში. აღსანიშნავია, რომ ღონისძიების პარტნიორს ქართული უნივერსიტეტებიდან საქართველოს უნივერსიტეტი წარმოადგენს. ასევე, შესარჩევნი ჟიურის ერთ-ერთი წევრი საქართველოს უნივერსიტეტის ინფორმატიკის, ინჟინერიისა და მათემატიკის სკოლის დირექტორი ბ-ნ კახაბერ თავზარაშვილია.

დეტალური ინფორმაცია იხილეთ: https://goo.gl/v91h6s